Jo më kanabis në lagjet e kuqe të Amsterdamit, Holanda merr masa drastike

10 Shkurt 2023 | 12:58

Jo më kanabis në lagjet e kuqe te  Amsterdamit, duket se kryeqyteti holandez do të marrë masa strikte.

Ligjet  e reja do të hyjnë në fuqi nga mesi i muajit  maji dhe synojnë të përmirësojnë jetesën për banorët që janë ankuar prej kohësh për rrëmujën që shkaktojnë turistët. Edhe shtëpitë publike do të mbyllen në orën 3 të mëngjesit.

Mediat lokale raportojnë se pothuajse të gjithë këshilltarët mbështetën marrjen e masave për të reduktuar shqetësimin për banorët.

Këshilli i qytetit njoftoi se restorantet dhe baret  të premteve e të shtunave do të duhet të mbyllen në orën 2 të mëngjesit dhe asnjë vizitor i ri nuk do të lejohet në rrethin e vjetër të qytetit pas orës 1 .

Aktualisht, shitja e alkoolit nga dyqanet, dyqanet e pijeve alkoolike dhe kafenetë në lagjet e dritave të kuqe është e paligjshme nga e enjtja deri të dielën pas orës 16:00.

Këshilli do t’u kërkojë shitësve që të heqin plotësisht alkoolin nga vitrinat e tyre gjatë kësaj kohe, ose t’i mbulojnë ato.

Kryeqyteti holandez është i njohur për kafenetë e tij të kanabisit dhe tërheq miliona turistë në vit. Por vendasit janë ankuar se tërheqin tregtarët e rrugës dhe se abuzimi me drogën dhe alkoolin po rrit shkallën e krimit.

Sipas ligjeve aktuale në Holandë, posedimi, prodhimi ose tregtimi i drogës është vepër penale. Megjithatë, holandezët kanë një “politikë tolerimi” që lejon kafenetë të shesin kanabis nën kushte strikte.

Përveç ligjeve të reja, këshilli i Amsterdamit do të nisë në pranverë  një fushatë të titulluar qëndroni  larg” e cila u drejtohet turistëve që të mos udhëtojnë drejt kryeqytetit për qëllime droge, alkooli dhe seksi.

Home Kryefaqja
Shiko në: YouTube
Lajme të Sugjeruara

Rubio: SHBA-ja është “e harmonizuar” me aleatët në Gjirin Persik sa i përket Iranit

Sekretari amerikan i Shtetit, Marco Rubio, ka synuar t’i sigurojë aleatët e Gjirit Persik se Uashingtoni do të mbetet “plotësisht i harmonizuar” me partnerët rajonalë,...
21:28 | 24/06/2026

Bitcoin bie nën 60,000 dollarë mes presionit në tregjet globale

Bitcoin ka rënë me rreth 5% të mërkurën, duke zbritur nën nivelin psikologjik prej 60,000 dollarësh, mes një presioni të shtuar të shitjeve në tregjet...
20:10 | 24/06/2026

Trump: Irani po bën lëshime të mëdha

Presidenti i Shteteve të Bashkuara, Donald Trump, ka deklaruar të mërkurën se Irani po ofron lëshime të rëndësishme në kuadër të negociatave që po zhvillohen...
20:07 | 24/06/2026