Të dhënat e fundit të publikuara nga hakerat e dyshuar iranianë nuk janë të sistemit operativo-policor MEMEX por janë në vazhdën e hekarimit të sistemit TIMS.
Ekspertët e IT-së në polici besojnë se të dhënat e përfituara nga hakerimi janë përpunuar duke u shfaqur në formën e 49 listave të gjata, bashkangjitur foto dhe të dhëna të tjera të individëve të ndryshëm.
Edhe titullimi i hakerave i këtyre listave ‘albanian suspect’ rezulton të jetë nga përpunimi i paautorizuar i të dhënave, për të cilin prej më shumë se 2 muajsh po zhvillohen hetime edhe me agjenci jashtë vendit.
Burime nga policia e shtetit i thanë Euronews Albania se sistemi Memex ka një server më vete, por pa shmangur mundësinë që ai të jetë vënë në shënjestër të Homelandjustice të cilët herë pas here po publikojnë të dhëna të reja.
LEXONI GJITHASHTU:
- ‘Hakerat, 1 vit brenda sistemeve’, eksperti Softa: Jemi në luftë të gjatë me Iranin
- ‘Po hetojmë me Microsoft dhe FBI’, Çuçi: Hakerat s’kanë publikuar sistemin MEMEX