Joe Biden në kufirin SHBA-Meksikë, ndjek nga afër kontrollet për drogë

Presidenti Joe Biden përshkoi një segment të gjatë me baltë në kufirin SHBA-Meksikë, në vizitën e tij të parë në këtë zonë pas dy vitesh në detyrë.

Bëhet fjalë për një vizitë të mbuluar nga tensionet politike mbi emigracionin, me republikanët që e fajësojnë presidentin për numrin rekord të emigrantëve që kanë hyrë në vend.

Në ndalesën e tij të parë, Biden vëzhgoi oficerët kufitarë në El Paso, të cilët i treguan se si kontrollojnë makinat për drogë dhe para’. Më pas ishte radha e një rruge me pluhur, në afërsi të kufirit metalik që ndan Shtetet e Bashkuara nga qyteti meksikan Siudad Huarez.

Presidenti vizitoi edhe Qendrën e Shërbimit për Emigrantët dhe u takua me organizatat jofitimprurëse dhe grupet fetare që mbështesin ardhjen e emigrantëve në Shtetet e Bashkuara.

Nga El Paso, Biden vazhdoi udhëtimin drejt kryeqytetit të Meksikës, ku ai dhe krerët e shtetit meksikan dhe kanadez takohen për një samit të liderëve të Amerikës Veriore, ku emigracioni është pjesë e agjendës së bisedimeve.

LEXONI GJITHASHTU

• Biden viziton kufirin me Meksikën mes thellimit të krizës së migrantëve
• Biden u dha medalje atyre që mbrojtën Kapitolin dy vjet më parë
• Biden legalizon emigrantët, plan të ri për frenimin e emigracionit të paligjshëm