Tabaku zbërthen dobitë e taksës së sheshtë: Paga 0-30 mijë lekë nuk do taksohet

Kandidatja e Partisë Demokratike, Jorida Tabaku, shpjegoi dobitë që sipas saj ka taksa e sheshtë. Aplikimi i saj thotë znj. Tabaku ndikon në formalizimin e ekonomisë, rritjen e investimeve dhe shtimin e konsumit.

“Taksa e sheshtë do të bëjë që të gjithë të jenë të unifikuar. Ajo është taksa bazë, që bën në të gjithë botën formalizmin e ekonomisë. Sot sipërmarrja është në nivelin më të ulët të investimeve, të punësimit dhe në depresion më të madh ekonomik, e thotë BSH-së. Energjia që çlirohet nga aplikimi i taksës së sheshtë do të sjellë rrezitjen e konsumit dhe do të krijojë rritjen e TVSH.Kjo është e njohur në tërë botën”, tha ajo.

Gazetarja Ilva Tare mori si shembull pagën 150 mijë lekë, dhe kërkoi nga Tabaku të shpjegonte se ku qëndron dallimi mes taksës progresive dhe asaj të sheshtë, për këtë kandidatja e PD-së u shpreh si vijon:

“Taksa progresive e takson më shumë,  taksohet 13%, kurse ne do ta taksojmë 9%. Paga 0-30 mijë lekë është e përjashtuar dhe është zero. Sigurisht është e përjashtuar. Nuk taksohet. Rama ka rritur në 40% numrin e atyre që jetojnë me 4 dollarë në ditë, e thotë Banka Botërore”, shtoi ajo.

Lexoni gjithashtu: 

Jorida Tabaku: PD ka ‘grup për mbrojtjen e votës’ më 25 prill

“Asnjë ish-ministër në kabinetin Basha”, Jorida Tabaku ‘zbulon’ kushtin për t’u bërë pjesë e qeverisë

Jorida Tabaku: Të gjitha PPP do t’i kalojmë në skaner, do japim me koncesion vetëm burimet natyrore

Jorida Tabaku: Votues të zhgënjyer të PS në 2013, sot po mbështesin PD

Bashkëqeverisje PD-PS pas 25 prillit? Jorida Tabaku jep përgjigjen e prerë