Jorida Tabaku: Të gjitha PPP do t’i kalojmë në skaner, do japim me koncesion vetëm burimet natyrore

Anëtarja e Kryesisë së Partisë Demokratike, Jorida Tabaku gjatë emisionit “Ilva Now” deklaroi se nëse PD vjen në pushtet pas zgjedhjeve të 25 prillit, nuk do të japë me PPP shërbime që duhet t’i ofroje vetë shteti.

Znj. Tabaku tha se PS e “zhbëri konceptin e PPP dhe morën çdo shërbim publik që ishte në formë tenderi e dhanë me koncesion” ndërkohë që këo “ishin shërbime që duhet t’ ofronin vetë”.

Ajo mori si shembull ekstrem çështjen e ndërtimit të inceneratorëve duke thënë se është një aferë korruptive e pastër. Znj. Tabaku nënvizoi se “PD do të qeveris me një vullnet të hekurt për luftimin e korrupsionit” dhe premtoi se çdo PPP do të kalojë në kontroll.

“PD do të ketë një skanim të plotë të të gjitha kontratave koncesionare që do të shkojnë përpara drejtësisë. Ndërkohë që ky skanim ndodh në dy vite do të bëhet një strategji afatgjatë për burimet natyrore, pa pagesë nga buxheti i shtetit në qoftë se do të ketë koncesione dhe PPP. Si parim buxheti i shtetit do të dedikohet për shërbime tradicionale që do t’i ofrohen qytetarëve”, tha znj. Tabaku.

Lexoni gjithashtu: 

Jorida Tabaku: PD ka ‘grup për mbrojtjen e votës’ më 25 prill

“Asnjë ish-ministër në kabinetin Basha”, Jorida Tabaku ‘zbulon’ kushtin për t’u bërë pjesë e qeverisë

Jorida Tabaku: Votues të zhgënjyer të PS në 2013, sot po mbështesin PD

Bashkëqeverisje PD-PS pas 25 prillit? Jorida Tabaku jep përgjigjen e prerë

Tabaku zbërthen dobitë e taksës së sheshtë: Paga 0-30 mijë lekë nuk do taksohet