Jose Mourinho emërohet trajner i ri i Romës

Jose Mourinho është emëruar trajner i ekipit të Romës duke nisur nga sezoni i ri 2021-22. Portugezi do të zëvendësojë Paulo Fonseca, shkarkimi i të cilit u njoftua pak orë më parë nga ekipi italian.

Mourinho u shkarkua si trajner i Tottenham më 19 prill dhe ai pati deklaruar se do të merrte pak kohë për t’u rikthyer pas këtij largimi.

Portugezi ka nënshkruar një kontratë 3-vjeçare me Romën, e cila aktualisht renditet në vend të 7-të në Serie A.

𝐎𝐅𝐅𝐈𝐂𝐈𝐀𝐋 🤝

The club are delighted to announce an agreement has been reached with Jose Mourinho for him to become our new head coach ahead of the 2021-22 season.
#ASRoma pic.twitter.com/f5YGGIVFJp

— AS Roma English (@ASRomaEN) May 4, 2021

Pas njoftimit zyrtar për detyrën e re, Mourinho u ka dërguar dhe një mesazh mbështetësve të Romës përmes një postimi në Instagram.

“Pasioni i jashtëzakonshëm i tifozëve të Romës më bindi që të pranojë këtë detyrë dhe mezi pres të nisi sezoni i ardhshëm. I uroj Paulo Fonseca fat”, shprehet portugezi.

 

View this post on Instagram

 

A post shared by Jose Mourinho (@josemourinho)

58-vjeçari ka drejtuar më parë Interin në Itali, me të cilin arriti një sukses të madh duke fituar titullin kampion, Champions League dhe Kupën e Italisë.

Ndërkohë gjatë karrierës, ai ka drejtuar dhe ekipe të tjera të njohura si Real Madrid, Chelsea dhe Manchester United.