Josep Borrell uron Osmanin: Institucionet e reja të fokusohen në procesin e reformave dhe atë të dialogut

Vjosa Osmani ka pranuar urim për detyrën e re, si Presidente e Kosovës nga shefi i politikës së Jashtme të Bashkimit Evropian, Josep Borrell.

Në urimin drejtuar presidentes Osmani, Borrell ka shfaqur gatishmërinë për ta mbështetur Kosovën në rrugën e integrimit evropian.

Nga zyra e presidentes njoftojnë se po ashtu Borrell ka theksuar se institucioneve të reja të Kosovës iu mbetet që të fokusohen në procesin e reformave dhe atë të dialogut.

“Shefi i politikës së jashtme të BE-së, z.Borrell, ka shfaqur gatishmërinë për ta mbështetur Kosovën në rrugën e integrimit evropian dhe në të njëjtën kohë ka theksuar se institucioneve të reja të vendit u mbetet të fokusohen në procesin e reformave dhe atë të  dialogut”, thuhet në komunikatën për media nga zyra e Osmanit.

Në datën 6 prill, Vjosa Osmani mori zyrtarisht detyrën si Presidente e Kosovës.

Ndërsa në datën 4 prill, zonja Osmani u votua në raundin e tretë të votimit duke siguruar 71 vota nga 61 që ishin të nevojshme.

Lexoni gjithashtu:

Vjosa Osmani Presidente e gjashtë i Kosovës

Kush është Vjosa Osmani, gruaja e dytë në krye të shtetit të Kosovës