Joshua ndal Paul me nokaut në raundin VI, në garë për titullin e peshave të rënda

Pritej që dueli ndaj Jake Paul të mbyllej më shpejt, megjithatë Anthony Joshua ia doli të dhurojë një performancë pozitive e në fund të marrë një fitore më se të merituar ndaj amerikanit.

36-vjeçari triumfoi me KO në raundin e gjashtë, ndërsa kishte hedhur disa herë përtokë aktorin dhe youtuberin e njohur, Jake Paul, i cili muaj më parë vendosi ti bashkohet boksit. Diferencat mes tyre janë të mëdha sidomos në aspektin fizik, por më tepër në eksperiencë, ku Joshua është 2 herë kampion bote në boks.

Dueli mes tyre nuk ishte i ndonjë niveli të jashtëzakonshëm, por natyrisht i administruar më mirë nga Anthony Joshua që përfitoi nga lodhja e kundërshtarit duke e hedhur përtokë. Një ballafaqim që me sa duket nuk kishte nevojë për dedikim më të madh nga 36-vjecari që në përfundim e vlerësoi Paul.

“Dua ta përgëzoj – ai u ngrit vazhdimisht. Ishte e vështirë për të atje brenda, por ai vazhdonte të përpiqej të gjente një mënyrë. Duhet një burrë i vërtetë për ta bërë këtë. Për këtë duel ishin vendosur në dispozicion 184 milionë dollarë, para të cilat do të ndahen në mënyrë të barabartë mes tyre.