Juristi Lapaj: Qeveria duhet të marrë më shumë masa për të penguar rritjen e çmimeve

Juristi Adriatik Lapaj tha për Euronews Albania se ka vend për të marrë masa sa i takon rritjes së çmimeve.

Ai u shpreh se kjo është një çështje për të cilën duhet protestuar, ndërsa theksoi se qëllimi u arrit deri diku për aq kohë sa nga protesta e mbajtur të hënën e kaluar kryeministri Rama lajmëroi se nuk do të rritet çmimi energjisë për konsumatorët dhe biznesin e vogël.

Sipas Lapajt masa duhen marrë dhe për bizneset e mëdha duke qenë se efektet do reflektohen dhe te populli, ndërsa vend për përmirësim ka dhe në menaxhimin e sistemit tonë energjitik.

“Ne nuk mund të prodhojmë energji elektrike për vende të tjera në momentet që vetë jemi në kushtet e emergjencës energjitike. Këto janë disa mekanizma që mbrojnë qytetarin, mbrojnë pasuritë e këtij vendi,” – u shpreh juristi.

Ai solli në vëmendje se produktet e shportës nuk mund të tatohen njësoj me ato të luksit, ndërsa theksoi se nuk ishte për falimentim të shtetit duke qenë se shteti mbahet nga taksat, por për marrjen e masave ekstreme për të garantuar ecurinë e ekonomisë dhe mbrojtjen e qytetarëve.

LEXONI GJITHASHTU: 

• Sot protesta e dytë përballë Kryeministrisë kundër rritjes së çmimeve
• Penguan qarkullimin, hetohen 4 pjesëmarrës dhe organizatorë të protestës kundër rritjes së çmimeve
• Opozita mbështet protestën për rritjen e çmimeve, ambasada e SHBA thirrje për kujdes