Juventus ngec sërish, Lazio merr barazim dramatik

Lazio dhe Juventus kanë ndarë nga një pikë në duelin e javës së 7 të Serie A, pas një barazimi dramatik në sekondat e fundit të ndeshjes.

Ishte ekipi kampion në Itali që kaloi fillimisht në avantazh pas një goli të Cristiano Ronaldo.

Pas golit në minutën e 15, portugezi pati mundësi që të dyfishonte rezultatin. Ai goditi mbi traun e portës pavarësisht se kishte mundësi të pasonte.

Goli i barazimit për Lazio erdhi në minutën e 95, ku Felipe Caicedo dërgoi topin në rrjetë nga një goditje brenda zonës së rreptësisë.

Ky është barazimi i 4 për Juventus në 7 javët e para, dhe qëndron në vend të tretë me 13 pikë. Kurse Lazio gjendet në vendin e 9 me dy pikë më pak.