Juventus pret kundërshtarin, Napoli e Inter në garë për një vend në finalen e Kupës së Italisë

Sot pritet që të përcaktohet ekipi i dytë finalist i Kupës së Italisë.

Në garë janë Interi dhe Napoli që luajnë ndeshjen e kthimit mes tyre. Napolitanet vijnë disi më të favorizuar në këtë përballje pasi në ndeshjen e parë që u luajt më 12 shkurt në San Siro arritën një fitore minimale 1-0.

Të dyja skuadrat vijnë pas më shumë se 100 ditëve ndërprerje të aktiviteteve për shkak të pandemisë së COVID-19 dhe sigurisht që nuk janë në njëqind përqindëshin e formës. Për këtë arsye, një peshë të madhe do të lojës do ta kenë në dorë edhe trajnerët, Gennaro Gattuso e Antonio Conte, pasi më shumë se një përballje fizike kjo do të jetë një ndeshje taktike.

Në finalen që do të luhet më 17 qershor është Juventusi, që mbrëmjen e djeshme arriti të kualifikohej përballë Milanit.

Ndeshja e luajtur në Torino u mbyll barazim pa gola, por e ashtuquajtura “Zonja e Vjetër” kaloi më tej falë golit në fushën kundërshtare, pasi takimi i vajtjes, luajtur në San Siro më 13 shkurt ishte mbyllur 1-1.