Kaloi herësin në Tiranë, Xhafaj falënderon votuesit: Jam duke monitoruar procesin e numërimit

Kandidati i PS-së në qarkun e Tiranës, Fatmir Xhafaj falënderon të gjithë qytetarët që zgjodhën emrin e tij në listë, si edhe familjarët për mbështetjen.

Teksa ka kaluar herësin e votave në këtë qark, në një postim në Twitter, Xhafaj shprehet se është duke monitoruar përfundimin e procesit të numërimit për të respektuar çdo votë në kutitë e votimit.

“Shifrat tashmë publike konfirmojnë se e kam kaluar pragun minimal për të qenë deputet në legjislaturën e ardhshme të Kuvendit të Shqipërisë. Së bashku me ekipin e fushatës jemi duke monitoruar përfundimin e procesit të numërimit për të respektuar çdo votë në kutitë e votimit”, shkruan Xhafaj.

Shifrat tashmë publike konfirmojnë se e kam kaluar pragun minimal për të qënë deputet në legjislaturën e ardhshme të Kuvendit të Shqipërisë. Së bashku me ekipin e fushatës jemi duke monitoruar përfundimin e procesit të numërimit për të respektuar çdo votë në kutitë e votimit.

— Fatmir Xhafaj (@FatmirXhafaj) April 29, 2021

Sipas të dhënave të KQZ-së, nga numërimet e deritanishme të votës preferenciale  Xhafaj ka siguruar 13.164, duke siguruar mandatin e deputetit, edhe pse ishte i renditur i 23 në listën e Tiranës.

Lexoni gjithashtu:

Live Blog: Kandidatët që sigurojnë mandatin e deputetit