Kanabis dhe armë në banesë, arrestohet 32-vjeçari në Shkodër

Një 32-vjeçar është arrestuar këtë të martë nga Policia e Shkodrës në kuadër të operacionit policor të koduar “Qarku”.

Shtetasi M.Sh, u vu në pranga pas kontrollit të ushtruar nga policia në banesën e tij në Dajç të Shkodrës, ku evidentuan një dhomë që ishte përshtatur për kultivimin e bimëve narkotike me anë të llambave elektrike.

Shërbimet e Policisë, gjatë kontrollit në ambientet e banesës kanë gjetur 20 fidanë të dyshuar narkotikë të kultivuar në vazo plastike, bimë të dyshuara narkotike në proces tharjeje dhe lëndë të dyshuar narkotike kanabis me peshë rreth 1.2 kg, të cilat janë sekuestruar në cilësinë e provës materiale, së bashku me pajisjet elektrike që shërbenin për kultivimin e bimëve narkotike në ambiente të mbyllura.

Gjithashtu, gjatë kontrollit të kësaj banese është gjetur dhe sekuestruar në cilësinë e provës materiale një armë zjarri pushkë.

Në finalizimin e fazës së shtatë të megaoperacioni policor i koduar “Qarku”, ka shkuar në 34 numri i të arrestuarve.

Gjatë 7 fazave, janë vënë në pranga 34 shtetas, si dhe janë sekuestruar në total, 270.7 kg kanabis, 476 bimë dhe fidanë kanabisi, dhjetëra doze kokaine, pajisje që shërbenin për përpunimin e kanabisit, 2 armë zjarri, municion luftarak, 1 armë sportive, 4 automjete dhe 16 aparate celulare.

LEXONI GJITHASHTU

• Shpërndanin kanabis dhe kokainë, arrestohen 5 persona në Tiranë (EMRAT)
• “Kanabisi shkëmbehet me heroinë”, eksperti tregon detaje nga arrestimi i policit
• ‘Parcela me kanabis’, Zhuri: Shefi i Komisariatit bashkëpunon me trafikantët