Kanosi me pistoletë të riun në mes të tregut, arrestohet 32-vjeçari në Berat

32-vjeçari me iniciale A.L është arrestuar nga Policia në Berat, pasi ka kërcënuar një të ri me armë dhe më pas ka tentuar që të largohet.

Ngjarja ka ndodhur në lagjen  “30 Vjetori”, te tregu i mallrave të përdorura, ku 32-vjeçari ka kërcënuar për motive të dobëta, me armë zjarri pistoletë, personin me iniciale E. P, 26 vjeç.

“Nga specialistët e Seksionit për Krimet në Komisariatin e Policisë Berat u bë arrestimi në flagrancë i shtetasit A. L., 32 vjeç, banues  në  lagjen “30 Vjetori”, Berat.

Arrestimi i tij u bë pasi në lagjen “30 Vjetori”, te tregu i mallrave të përdorura, ka kanosur për motive të dobëta, me armë zjarri pistoletë, shtetasin E. P., 26 vjeç, banues në lagjen “Jani Vruho”, Berat (i dënuar më parë për veprën penale “Kultivimi i bimëve narkotike). 32-vjeçari, kur ka parë shërbimet e Policisë ka tentuar të largohet me shpejtësi, por është kapur pas disa minutash ndjekjeje. 

Materialet i kaluan Prokurorisë së Rrethit Gjyqësor Berat, për veprën penale “Armëmbajtja pa leje”, “Kanosja” dhe “Prishja e rendit dhe qetësisë publike”, thuhet një njoftimin e policisë.