Kapet 1.8 ton kokainë në Nigeri

Agjencia Nigeriane e Zbatimit të Drogës sekuestroi një rekord prej 1.8 ton kokainë me vlerë 278 milionë dollarë në një magazinë në Lagos, raportoi sot AP.

Pesë persona janë arrestuar, mes tyre edhe menaxheri i magazinës ndërsa sekuestrimi është bërë të dielën, njoftoi Agjencia Kombëtare e Ndjekjes së Drogës. Agjencia deklaroi se të dyshuarit ishin anëtarë të një klani ndërkombëtar që ishte në kërkim që nga viti 2018.

Kokaina u gjet në një magazinë në një kompleks të izoluar në rajonin Ikorodu kur karteli i drogës po përpiqej ta shpërndante në Evropë, Azi dhe pjesë të tjera të botës.

Droga ishte e paketuar në 10 çanta udhëtimi dhe 13 daulle, tha agjencia.

Konfiskimet e drogës u rritën në Afrikën Perëndimore vitin e kaluar, duke treguar se kontinenti është bërë një qendër për trafikun e drogës midis Amerikës së Jugut dhe Evropës.

LEXONI GJITHASHTU:

• Gazetari: Në dy vitet e fundit u sekuestuan 1.5 ton kokainë në Portin e Durrësit