Kapet me mbi 34 mijë euro të padeklaruara, procedohet një grua në Kakavijë

Këtë të martë, në pikën kufitare Kakajë, është proceduar penalisht një grua, të cilës, pas kontrollit në nga policia, në çantë iu gjetën 34,700 euro.

Mësohet se kjo shumë parash nuk ishte e deklaruar nga gruaja, të cilat u sekuestruan në cilësinë e provës materiale.

 “Në vijim të punës së shërbimeve të Policisë Kufitare të PKK Kakavije, me qëllim parandalimin dhe goditjen e paligjshmërive në kufi, në dalje, u krye kontroll në çantën e shtetases D. B., ku u gjetën 34 700 euro, të cilat ajo nuk i kishte deklaruar konform ligjit.

Në vijim të veprimeve procedurale për rastin, specialistët për Hetimin e Krimeve të DVKM Gjirokastër referuan materialet në Prokurori, ku nisi procedimi në gjendje të lirë, për veprën penale “Mosdeklarimi në kufi i të hollave dhe i sendeve me vlerë”, për shtetasen D. B., banuese në Burrel. Gjithashtu, u sekuestrua me cilësinë e provës materiale, shuma e eurove. 

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme”, thuhet në njoftimin e policisë.