Katër propozimet e Kurtit: Kosova e Serbia menjëherë nënshkruajnë një marrëveshje të përbashkët të paqes

Kryeministri i Kosovës, Albin Kurti dhe presidenti i Serbisë, Aleksandar Vuçiç nuk prodhuan me shume se sa një acarim edhe më të madh të marrëdhënieve mes tyre.

Ndërsa pritej që në këtë takim të bisedohej për të pagjeturit, kompensimin financiar apo asocacionin, Albin Kurti hedh në tryezë propozime tërësisht të reja të cilat jo vetëm që gjetën të papërgatitur palën serbe por u komentuan gjatë nga politikanë dhe analistë vendas dhe të huaj.

Propozimet e kryeministrit Kurti tejkalojnë marrëdhënien mes dy vendeve apo përfshijnë dhe paqen që për shumëkënd është një çështje e tejkaluar

Katër propozimet e Kurtit janë:

1. Gjashtë shtetet e Ballkanit Perëndimor e avancojnë CEFTA-n në SEFTA (South-East European Free Trade Agreement) sipas modelit të EFTA-EEA, pra marrëveshje çfarë Lihtenshtajni, Norvegjia dhe Islanda kanë me BE-në.
2. Kosova dhe Serbia menjëherë nënshkruajnë një marrëveshje të përbashkët të paqes duke u zotuar se nuk do ta sulmojnë njëra-tjetrën. Kjo është e rëndësishme tani si asnjëherë më parë, një ditë pas Samitit të NATO-s në Bruksel dhe porosive unanime që u dhanë aty.
3. Pas njohjes së ndërsjellë midis Republikës së Kosovës dhe Republikës së Serbisë, në të dy vendet tona do të kemi reciprocitet bilateral, përfshirë çështjen e pakicave këtu. Pra, serbët në Kosovë mund të kenë Këshillin e tyre Nacional siç e kanë shqiptarët dhe boshnjakët në Serbi.
4. Për çështjen e të pagjeturve, të të zhdukurve me dhunë, duhet larguar nga pozita që ka dhe duhet marrë në pyetje kreun e delegacionit serb, z. Veljko Odaloviç, i cili në vitet 1997-1999, ishte “naçelnik i qarkut të Kosovës”, dhe udhëhiqte me Kosovën e okupuar bashkë me z. Zoran Angjelkoviç.