Katër të vdekur në Shqipëri nga Covid-19, 231 pacientë të shtruar në spital

Ministria e Shëndetësisë dhe Mbrojtjes Sociale raporton se në 24 orët e fundit në Shqipëri janë zbuluar 162 raste të reja me Covid-19, ndërkohë katër qytetarë kanë humbur jetën. Listës së të shëruarve i janë shtuar 150 qytetarë, duke e çuar në 9115 numrin e të shëruarve në vend, që prej fillimit të epidemisë.

Rastet pozitive të konfirmuara në 24 orët e fundit:

63 të prekur në Tiranë, 16 raste në Korçë, 10 raste në Durrës, 9 raste në Shkodër, 6 raste në Kavajë, 5 raste në Fier, Lezhë, Vlorë, Pogradec, 4 raste në Kuçovë, 3 raste në Lushnje, Berat, Mallakastër, Gramsh, 2 raste në Krujë, Devoll, Elbasan, Kukës, Dibër, 1 rast në Has, Pukë, Librazhd, Gjirokastër, Përmet, Sarandë, Ura Vajgurore, Përrenjas, Roskovec, Kolonjë, Shijak, Skrapar.

Aktualisht në spitalin Infektiv dhe “Shefqet Ndroqi” po marrin trajtim 231 pacientë, 17 në terapi intensive nga të cilët 4 pacientë janë të intubuar. Autoritetet shëndetësore kanë kryer deri tani 94,840 teste, prej të cilave 14,730 qytetarë kanë rezultuar pozitivë.

Në Shqipëri prej fillimit të pandemisë dhe deri në orët e fundit kanë humbur jetën 407 pacientë, shumica prej tyre me sëmundje të tjera bashkëshoqëruese.

Shpërndarja gjeografike e rasteve aktive sipas qarqeve:

Tiranë  2711

Durrës 563

Shkodër 393

Lezhë 256

Korçë 253

Elbasan  226

Fier 225

Vlorë 185

Kukës  139

Berat 125

Dibër 77

Gjirokastër 55.