Katërmbëdhjetë viktima në Kosovë nga Covid-19

Gjatë 24 orëve të fundit në Kosovë kanë humbur jetën 14 qytetarë për shkak të Covid-19. Institutit Kombëtar i Shëndetit Publik bën të ditur se nga 1620 teste të kryera, 560 prej tyre kanë rezultuar pozitivë.

Kryeqyteti i vendit, Prishtina, kryeson qytetet e tjera në lidhje me numrin e viktimave dhe të infektuarve me coronavirus. Që nga fillimi i pandemisë në Kosovë kanë humbur jetën 1087 qytetarë.

“Numri total i rasteve pozitive është 42.377 raste nga 151.363 persona të dyshimtë në virusin SARS-CoV-2 dhe 1.087 raste të vdekjes. Gjatë 24 orëve të fundit, janë shëruar 678 pacientë derisa numri i përgjithshëm i të shëruarve deri më sot është gjithsej 27.821 raste, kurse numri i rasteve aktive është 13.469”, thekson IKSHPK-ja.

Rastet pozitive:

Komuna Prishtinë 198 raste, Gjilan 54 raste, Mitrovicë 46 raste, Ferizaj 32 raste, Fushë-Kosovë 28 raste, Lipjan 23 raste, Podujevë 21 raste, Drenas 18 raste, Prizren 18 raste, Pejë 17 raste, Gjakovë 15 raste, Kamenicë 13 raste, Viti 11 raste, Vushtrri 11 raste, Obiliq 9 raste, Malishevë 7 raste, Suharekë 7 raste, Istog 5 raste, Klinë 5 raste, Rahovec 5 raste, Shtime 4 raste, Skenderaj 4 raste, Deçan 3 raste, Kaçanik 3 raste, Dragash 1 rast, Kllokot 1 rast, Zubin-Potok 1 rast.