Kërcënimi i Kurtit: Ose mbi 80 vota në kuti për Osmanin, ose mbi 500 mijë vota për LVV-në

“Ose mbi 80 vota në kuti për Vjosa Osmanin, ose mbi 500 mijë vota në kuti për Lëvizjen Vetëvendosje”.

Ky është kërcënimi i kryeministrit të Kosovës Albin Kurti, një ditë pas dështimit të votimit të propozimit të Lëvizjes Vetëvendosje që shqyrtimi i Ligjit për Zgjedhjet e Përgjithshme të bëhej me procedurë të përshpejtuar në Kuvendin e Kosovës.

Sipas tij, gjithçka varet nga opozita, për të shmangur çuarjen e vendit në zgjedhje të parakohshme.

“Ne nuk mund dhe nuk duam ta çojmë vendin në zgjedhje sërish sepse ne duam ta zgjedhim Presidenten e re. Ata që nuk e duan zgjedhjen e Presidentes, ata që nuk e duan Presidenten, që kanë bërë e po bëjnë luftë speciale kundër saj, mund ta çojnë vendin në zgjedhje”,,  shkruan kurti.

Sipas tij, projektligji i propozuar nuk është i nxituar, por i vonuar, pasi i jep të drejtë diasporës të votojë në ambasada dhe konsullata.

Reagimet kanë qenë të menjëhershme nga të gjitha partitë politike. Kryesia e Lidhjes Demokratike, pas një mbledhje të shpejtë doli me reagime kërcënuese.

“I bëj thirrje kryeministrit që të tërheq sepse me një tërheqje të tillë i lë hapësirë konstruktivitetit që ja kemi dëshmuar, shfaqur e marrë si vendim këtu në LDK. Nëse një gjë e tillë nuk ndodh atëherë kryeministri Kurti dëshiron të shkojë në zgjedhje me qëllim dhe të provojë krizë institucionale në vend[…]Nëse nuk tërhiqet ky ligj atëherë kryeministri Kurti na dërgon në zgjedhje”, ka thënë Ludmir Abdixhiku.

Si një iniciativë të ngutshme e ka cilësuar edhe Aleanca për Ardhmërinë e Kosovës projektligjin e paraqitur nga qeveria Kurti. Madje shefi i Grupit Paralmentar të AAK-së, Besnik Tahiri ka vazhduar me tej, duke e quajtur rrëshqitje në totalitarizëm. Reagime të ashpra kundër kësaj nisme ka pasur edhe Shoqëria Civile.

Lexoni gjithashtu:

Kriza politike në Kosovë, Mexhide Demolli: Duhet të merrej opinion nga Komisioni i Venecias

Zgjedhja e presidentit, Abdixhiku: Albin Kurti po synon të krijojë destablitet politik