Kërcënohet prokurori i Përmetit, i vendosin fishek në dritaren e zyrës   

Prokurori i Përmetit, Asllan Bajrami, është kërcënuar në kohën kur ishte në krye të detyrës.

Burime te sigurta bëjnë me dije se në dritaren e zyrës, prokurori ka gjetur një fishek i cili mesa duket është vendosur në shenjë mesazhi.

Mësohet se gjatë ditëve të fundit, z. Bajrami ka marrë edhe thirrje në celular nga numër privat

Prokurori ka depozituar kallëzim, ndërsa policia ka nisur menjëherë hetim për ngjarjen si edhe për thirrjet në celular.

Ndërkohë, në lidhje me këtë kërcënim ndaj prokurorit ka reaguar edhe presidenti Ilir Meta, i cili përmes një statusi në “Facebook” e dënoi ngjarjen duke e cilësuar si “kërcënim për shkak dhe në krye të detyrës”. Ai kërkoi që të bëhet një hetim i shpejtë si edhe të merren masa të menjëhershme efektive.