Kërcënuan me armë zjarri 30-vjeçarin që t’iu jepte 30 mijë euro, 3 të arrestuar në Vlorë (EMRAT)

Policia e Vlorës arrestoi 3 persona të cilët kanosën një 30-vjeçar, që t’iu jepte 30 000 euro, dhe i morën automjetin atij.

Në kuadër të operacionit policor të koduar “Strike” u vunë në pranga shtetasit Alteo Grabovaj, 26 vjeç,  Mahmut Balikci, 22 vjeç dhe Mehmet Hoxha, 29 vjeç,  të tre banues në Vlorë.

“Nga hetimet dyshohet se këta shtetas, mesditën e djeshme, në lagjen “Pavarësia”, kanë kanosur 30-vjeçarin K. S., banues në Vlorë, që t’iu jepte 30 000 euro, më pas i kanë marrë automjetin e tij tip “BMË” dhe janë larguar”, tha policia.

Materialet procedurale iu referuan Prokurorisë së Vlorës, për veprime të mëtejshme, për veprën penale “Shtrëngimi me anë të kanosjes ose dhunës për dhënien e pasurisë”, kryer në bashkëpunim.