Kërkoi para për ekstradimin e të burgosurit, avokati apelon vendimin e GJKKO-së

Avokati Lavdosh Shehu, që akuzohet se ndërhyri tek zyrtarët e Ministrisë së Drejtësisë për kryer ekstradimin e një të burgosuri, ka apeluar vendimin e Gjykatës së Posaçme të Shkallës së Parë, e cila e la në qeli.

Nëpërmjet avokatit të tij mbrojtës, Shehu kërkon ndryshimin e masës nga ‘arrest me burg’ në garanci pasurore.

Sipas mbrojtësit, Shehu nuk ka konsumuar vepër penale pasi ai ka proceduar sipas të gjitha rregullave ligjore, për ekstradimin nga Italia drejt Shqipërisë të shtetasit Fatos Hyseni, i dënuar me 30 vite burg për vrasje.

Në ankimim thuhet se Shehu, nuk ka takuar apo nuk ka ndërhyrë tek asnjë zyrtar apo punonjës në ministrinë e Drejtësisë, ku të gjitha komunikimet i ka kryer nëpërmjet e-mailit.

Sa i përket shumës së parave prej  5000 mijë eurosh që Shehu i ka marrë Shqipe Hysenit, për punën e transferimit të djalit të saj, ai i ka kthyer asaj një shumë prej 900 eurosh.

Ndërsa për 4100 euro, ai ka lëshuar edhe faturë tatimore.

LEXONI GJITHASHTU:

• Mashtrime me mijëra euro në Gjermani e Holandë, SPAK nis hetim për Call Center-at
• Vetëm tre prokurorë kanë paraqitur kandidaturën për SPAK