Pazarcık është një qytet i vogël në Turqi i cili ndodhet në afërsi të epiqendrës së tërmetit që goditi juglindjen e vendit më 6 shkurt.

Banorët e këtij qyteti kanë rrëfyer për Aljazeera tmerrin e përjetuar gjatë tërmetit shkatërrimtar.

Gazetari Suat Yenipinar dhe nipi i tij, në momentin e tërmetit ishin në apartament në katin e pestë. Ata tregojnë me deaje mënyrën si mundën të shpëtonin.

“Kur ndodhi tërmeti, e kapa nipin dhe tentova duke vrapuar të dalë nga ndërtesa, por u goditëm në mure dhe u rrëzuam. E mbrojta me trup në rast të shembjes së ndërtesës. Pasi përfunduan dridhjet, arritëm të dalim dhe vazhdimisht binin copëzat e ndërtesës”, tha 60-vjeçari.

Yenipınar tani jeton në një tendë pranë një kuzhine të lëvizshme të Gjysmëhënës së Kuqe.

Në Pazarcik në momentin e katastrofës natyrore banonin 28 mijë banorë. Aktualisht aty raportohet për 450 jetë të humbura.

Shumë prej banorëve të qytetit ndodhen në emigracion, kryesisht në Gjermani.

Sipas vlerësimit të banorëve, aty kanë mbetur vetëm 4 apo 5 mijë banorë. Tërmeti shkatërroi edhe objektet e gazetave lokale siç është Aksa Haber Gazetesi që Yenipinar e shpërndante nëpër dyqane.

Tërmeti ka vrarë edhe diçka tjetër: një gazetë lokale që Yenipınar botoi nga një zyrë në ndërtesë, e “Jeta në Pazarcik ka përfunduar pas tërmetit, të gjitha ndërtesat janë demoluar”, shtoi Yenipinar.

Ai thotë se vlerëson qeverinë turke, dhe konsideron se u ka dhënë të gjitha gjërat të cilat qytetarët kishin nevojë. Megjithatë, kritika në drejtim të qeverisë pati nga shumë qytetarë.

Ai tha se mbetet mirënjohës për qeverinë. “Faleminderit Zotit për qeverinë, ata na dhanë më shumë sesa meritojmë,” tha Yenipınar.

Në të njëjtën kohë, ai kritikoi autoritetet. Ai tha se kur të jetë e mundur do të shkojë në një qytet tjetër sepse nuk ka besim se Pazarciku do të rindërtohet.

LEXONI GJITHASHTU

• Një tjetër mrekulli nga Turqia, shpëtohet pas 248-orësh adoleshentja
• 41 mijë viktima nga tërmeti, autoritetet turke: Katastrofa më madhe në 100 vite
• VIDEO/ 42-vjeçarja nxirret e gjallë nga rrënojat pas 222 orësh nga tërmeti në Turqi