KFOR-i largohet nga pika kufitare në Jarinjë

Trupat e KFOR-it janë larguar nga pika kufitare në Jarinjë, pasi qëndruan dy javë aty si rezultat i zhvillimeve që ndodhen me masën e reciprocitetit për targat.

Për 13 ditë me radhë në muajin shtator, situata në pikat kufitare Jarinjë dhe Bërnjak ishte e tensionuar, pasi qeveria e Kosovës vendosi masën e reciprocitetit për veturat me targa serbe.

Situata u normalizuarpas një marrëveshje mes Kosovës dhe Serbisë në Bruksel, e cila kishte tri pika:

• Duke nisur nga 2 tetori në orën 8:00 dhe jo më larg se ora 16:00 njësitë e policisë speciale të gjendura aktualisht në Jarinjë dhe Brnjak do të hiqen njëkohësisht me bllokadat e rrugës. KFOR do të dërgohet në Jarinjë dhe Brnjak përpara fillimit të heqjes së njëkohësishme dhe do të mbetet atje për rreth 2 javë për të ruajtur një mjedis të sigurt, si dhe lirinë e lëvizjes.
• Nga 4 tetori 2021 në orën 8:00, regjimi i stikerave për targat të rëna dakord në kornizën e Dialogut të lehtësuar nga BE do të zbatohet si një mjet i përkohshëm derisa të gjendet një zgjidhje përfundimtare.
• Një grup pune që do të konsistojë në përfaqësues të BE-së, Beogradit dhe Prishtinës, drejtuar nga Bashkimi Europian do të krijohet për të gjetur një zgjidhje të përhershme për çështjen e targave bazuar në standardet dhe praktikat e BE.