KFOR-i vëzhgon nga afër gjendjen në veri të Kosovës

Dhjetëra ushtarë të KFOR-it dhe dy automjete të tyre kanë ndaluar në fillim të barrikadave në drejtim të Jarinjës.

Ata po qëndrojnë aty, duke vëzhguar situatën dhe nuk dihet nëse janë pjesë e ndonjë plani për ndërhyrje.

Kosova Press raporton se një situatë e ngjashme është edhe në pikën tjetër kufitare në Bërnjak, ku dy automjete të KFOR-it janë vendosur atje.

Kryeministri Albin Kurti në konferencë me homologun shqiptar u shpreh se rruga më e mirë është që Kosova dhe Serbia të heqin targat e përkohshme.

“Nuk ia vlen të kemi targa të përkohshme edhe Republika e Kosovës edhe Republika e Serbisë, po i heqim ato të dyja palët”, tha Kurti.

Kurse kryeministri Rama tha se Kosova e ka fituar luftën. Ai shtoi se prezenca e avionëve serbë në afërsi të kufirit me Kosovën janë “veprime propagandistike”, që nuk mund të prodhojnë ndonjë rrezik për Kosovën.

“Kosova e ka fituar luftën. Lufta ka mbaruar. Ato avionët dhe helikopterët që vijnë vërdallë atje janë për ushqim propagandistik brenda Serbisë, por Kosovës nuk kanë çfarë i bëjnë fare”, tha kryeministria Rama.

LEXONI GJITHASHTU: 

• Rama takime me krerët e partive kryesore të Kosovës
• Shqipëria e Kosova me sekretariat për koordinimin e marrëdhënieve dypalëshe
• Rama i cilëson manovra teatrale angazhimet e ushtrisë nga Serbia
• S’kam pasur asnjë komunikim me Vuçiç për reciprocitetin, thotë Rama
• Serbia s’do tolerojë dhunë ndaj serbëve të Kosovës, thotë Vuçiç