Kina: SHBA-të janë nxitësit kryesorë të krizës në Ukrainë

Kina ka deklaruar se Shtetet e Bashkuara të Amerikës janë nxitësit kryesorë të krizës në Ukrainë.

Ambasadori i Kinës në Moskë, Zhang Hanhui akuzoi Uashingtonin për sanksionet ndaj Rusisë dhe mbështetjen ushtarake për Ukrainën, shkruan Reuters.

“Si nismëtari dhe nxitësi kryesor i krizës ukrainase, Uashingtoni, ndërkohë që vendos sanksione gjithëpërfshirëse të paprecedentë ndaj Rusisë, vazhdon të furnizojë Ukrainën me armë dhe pajisje ushtarake. Qëllimi i tyre përfundimtar është shtypin Rusinë me një luftë të zgjatur dhe sanksione”, u shpreh Zhang.

Diplomati kritikoi vizitën e kryetares së Dhomës së Përfaqësuesve të SHBA-së, Nancy Pelosi javën e kaluar në Tajvan.

Sipas tij, Shtetet e Bashkuara po përpiqen me të njëjta taktika në Ukrainë dhe Tajvan për të ringjallur një mentalitet të Luftës së Ftohtë.

LEXONI GJITHASHTU

• Imazhet satelitore, baza ajrore ruse në Krime e dëmtuar rëndë
• Lufta e Ukrainës duhet të përfundojë me çlirimin e Krimesë, thotë Zelenski