“Kini kujdes në marrëdhëniet me ta”, ambasada kineze në Podgoricë i përgjigjet Palmerit

I dërguari special i Departamentit të Shtetit për Ballkanin Perëndimor, Matthew Palmer gjatë një vizite zyrtare në Malin e Zi u bëri thirrje zyrtarëve të lartë të këtij vendi që të tregonin kujdes në marrëdhëniet e biznesit me Kinën.

Komentet e z. Palmer gjatë takimeve me liderët e Malit të Zi gjatë vizitës më 8 korrik, kanë nxitur reagimin e ambasadës së Kinës në Podgoricë.

Ambasada e Malit të Zi duke iu përgjigjur Ndihmës Sekretarit të DASH thotë se marrëdhëniet ekonomike mes Kinës dhe Malit të Zi janë ndërtuar mbi bazën e përfitimit të dyanshëm.

“Pala kineze ndihet krenare të shikojë që Mali i Zi po forcon marrëdhëniet e bashkëpunimit me vende të tjera, por nuk do të donim të shikonin që vende të tjera të papërgjegjshme të drejtonin gishtin nga marrëdhëniet Kinë-Mali i Zi”, thuhet në reagimin e ambasadës kineze.

Sipas ambasadës, zyrtari i SHBA u ka bërë thirrje drejtuesve të shtetit në Malin e Zi që të tregojnë kujdes në marrëdhëniet e biznesit me Kinën.

pic.twitter.com/ZNaVB4m3B6

— Chinese Embassy in Montenegro (@ChineseEmbinMNE) July 9, 2021

Ata thonë se kjo është i njëjti qëndrim që ka mbajtur një tjetër zyrtar gjatë vizitës në rajon në vitin 2019, që  kundërshtoi marrëdhëniet e Kinës me vendet e Ballkanit Perëndimor.

“Zyrtarët e SHBA duhet të shohin marrëdhëniet e tyre me Malin e Zi dhe të mos shqetësohen për marrëdhëniet mes Kinës dhe Malit të Zi”, përfundon reagimi i ambasadës.

Gjatë takimit që Palmer ka pasur me kryeministrin e Malit të Zi, Zdravko Krivokapiç kërkoi që vendi i tij të mos devijojë nga rruga Euro-Atlantike.

LEXONI GJITHASHTU:

Mali i Zi borxhe ndaj Kinës për ndërtimin e autostradës, Evropa gati ta ndihmojë

Marrëdhëniet Kinë-Mali i zi, Xi bisedë me Gjukanoviç: Gati të investojmë në vendin tuaj