Klandestinët dalin nga furgoni dhe shpërndahen nëpër qytet për të mos u kapur nga policia

Një grup emigrantësh të paligjshëm që po transportoheshin me furgon në qytetin e Pogradecit kanë dalë nga automjeti dhe janë shpërndarë nëpër qytet për të mos u kapur nga policia. Ngjarja ka ndodhur paraditen e së martës në rrugën Rinia të qytetit.

Nga pamjet video shihet se si emigrantët e paligjshëm, mes të cilëve edhe fëmijë, shqyejnë derën e furgonit prapa të cilës gjendej një efektiv i armatosur, dhe shpërndahen me shpejtësi nëpër qytet.

Burime konfirmojnë se ata janë gjetur nga patrullat. Ndërkohë është identifikuar drejtuesi i furgonit dhe po punohet për kapjen e tij.

Numri i emigrantëve të paligjshëm që përdorin Shqipërinë si transit për vendet e BE është shtuar ndjeshëm së fundmi.

Dy ditë më parë policia e Korçës arrestoi një 40-vjeçar pasi u kap duke transportuar me kamion 68 emigrantë të paligjshëm drejt Tiranës.

LEXONI GJITHASHTU:

Transportonte 68 emigrantë të paligjshëm me kamion drejt Tiranës, arrestohet 40-vjeçari

Policia arreston një person, po transportonte 56 emigrantë të paligjshëm