Klodi Leka: Protestat, ulërimë e një brezi pa perspektivë. Të rinjtë projektuan vetveten tek fati tragjik i Klodian Rashës

Aktivisti i Organizatës Politike, Klodi Leka tha për gazetare Ilva Tare se protestat e zhvilluar këto ditë nga të rinjtë për vrasjen e 25-vjeçarit Klodian Rasha kanë qenë protesta normale, demokratike, të ngjashme me ato që sipas tij aktualisht po ndodhin në të gjithë botën, ku rinjtë reagojnë për mungesën e shpresës apo perspektivës.

Sipas tij, këta të rinj, që janë grupe komunitare të organizuara në bazë lagjesh projektuan veten e tyre tek fati tragjik i 25-vjeçarit.

“Kjo është ulërima e një brezi pa perspektivë. Protesta sot nuk u shua, protesta sot u shtyp. Kishim ca grupe të rinjsh që kryen një dhunë minimale dhe përgjigjja e policisë ka qene skandaloze, duke nxjerrë gjithë potencialin në rrugë.

Këta janë të rinj që vijnë grumbull, që zbarkojnë nga rrugicat e errëta, rrinë bashkë në lagje, luajnë bashkë futboll, janë grupe komunitare në bazë lagjesh që projektuan vetveten tek fati tragjik i 25-vjeçarit Klodian Rasha. Protestat e dy viteve të fundit janë shtypur përmes dhunës policore”, tha aktivisti i shoqërisë civile.

Ndiqni debatin e plotë: