‘Koha e duhur për bisedime’, kryediplomati gjerman vizitë në Beograd. Vuçiç: Zgjidhje kompromisi

Gjatë vizitës në Beograd, ministri i Jashtëm gjerman, Heiko Maas bëri thirrje  për rinisjen e negociatave midis Serbisë dhe Kosovës. Maas nënvizoi se ky është “momenti i duhur” për të rifilluar bisedimet e ndërmjetësuara nga Bashkimi Evropian.

Gjatë konferencës së përbashkët për mediat, Presidenti Vuçiç tha se Beogradi është i gatshëm të “punojë” drejt arritjes të asaj që ai e përshkroi si një “zgjidhje kompromisi”.

“Ne nuk e njohim Kosovën, por jemi të gatshëm të diskutojmë për të ardhmen e të gjithë rajonit në mënyrë serioze dhe të përgjegjshme”, theksoi Vuçiç.

Një ditë më parë, kryediplomati gjerman ishte në Prishtinë ku u takua edhe me kryeministrin Albin Kurti dhe presidenten Vjosa Osmani.