Kombëtarja kërkon revanshin përballë Lituanisë, priten sërish ndryshime në formacion

Tashmë nuk ka vend për hapa fals e nuk ka më kohë për alibi, kombëtarja duhet të fitojë dhe duhet ta bëjë që në ndeshjen e sotme.

Përballë Lituanisë nuk do të jetë aspak e lehtë, këtë e dinë si trajneri Reja ashtu edhe futbollistët që me sa duket se kanë mësuar nga gabimet në ndeshjen e parë dhe janë gati për revansh.

Në formacion sërish priten ndryshime.

Në mungesë të Strakoshës në portë pritet ta startojë Etrit Berisha ndërkohë që përpara tij priten Gjimshiti, Kumbulla dhe Dermaku

Në mesin e fushës Kallaku dhe Bare duken të padiskutueshëm ndërkohë që Armir Abrashi është në pikëpyetje.

Nga krahët sërish do ketë ndryshme pasi nga minuta e parë tekniku mund t’i besojë Albi Dokës dhe njërit mes Ermir Lenjanit dhe Memolles që pritet t’i japin atë shpejtësi që i ka munguar përfaqësueses sonë në dy ndeshjet e fundit.

Ndërkohë që në repartin e avancuar Armando Broja ka gjasa ta nisë sërish si titullar ndërkohë që Seferi dhe Vrioni janë në balotazh për të zënë vendin e Rei Manajt.

Përfaqësuesja synon kreun në grupin e katërt të Ligës C ku për momentin renditet e dyta në kuotën e katër pikëve.