Komuna e Deçanit i heq të drejtën e menaxhimit kompanisë së ujësjellësit

Kompania Rajonale e Ujësjellësit “Hidrodrini” nuk do ta ketë më në menaxhim Komunën e Deçanit.

Ky vendim u bë i ditur nga kryetari i komunës Bashkim Ramosaj, pas publikimit të rezultateve së analizave nga Instituti Kombëtar i Shëndetit Publik (IKShPK), sipas të cilit në ujin e pijshëm janë konstatuar baktere.

“Kompani Rajonale ‘Hidrodrini’ nuk do e ketë më Deçanin në menaxhim, kompania do jetë kompani, që do ketë në dispozicion taksat e qytetarëve të Deçanit”, theksoi Ramosaj.

Ai u shpreh se deri tani kanë kërkuar trajtim mjekësor 1 392 qytetarë. Që nga e shtuna, Komuna e Deçanit është duke u ballafaquar me një numër të madh të helmimeve nga uji i pijshëm. Përfaqësuesit më të lartë shtetërorë kanë bërë apel që ngjarja të zbardhet sa më parë dhe përgjegjësit të vihen para drejtësisë.

LEXONI GJITHASHTU: 

• Helmimi në Deçan, analizat zbulojnë praninë e baktereve në ujin e pijshëm