Konflikt për pronën, 61-vjeçari në Mat dhunon vëllanë me sende të forta

Një 61-vjeçar në Mat është vënë në prangat e Policisë, pasi ka dhunuar vëllanë e tij me sende të forta, duke i shkaktuar dëmtime në fytyrë.

Përmes një njoftimi, Policia bën të ditur se ndërhyrja në kohë e efektivëve ka parandaluar përshkallëzimin e mëtejshëm të konfliktit.

Po ashtu bëhet me dije se konflikti kishte nisur për motive pronësie, ndërkohë që materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

Njoftimi i Policisë:

Mat/U konfliktua dhe goditi me sende të forta vëllanë e tij, ndërhyrja në kohë e Policisë parandalon përshkallëzimin e mëtejshëm të konfliktit.

Policia, kapi dhe vuri në pranga 61-vjeçarin.

Shërbimet e Komisariatit të Policisë Mat, pas marrjes së njoftimit se në fshatin Midhë, për motive pronësie po konfliktoheshin dy vëllezër, kanë shkuar menjëherë në adresën e marrë duke parandaluar përshkallëzimin e mëtejshëm të konfliktit.

Si rezultat, shërbimet e Policisë kapën dhe  arrestuan në flagrancë shtetasin S.S., 61 vjeç, banues në fshatin Midhë, Mat.

Ky shtetas, për motive të pronësie, ishte konfliktuar dhe kishte goditur me sende të forta vëllanë e tij, duke i shkaktuar dëmtime në fytyrë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

LEXONI GJITHASHTU:

• EMRAT| Posedonin fara kanabisi dhe kokainë, arrestohen 2 shtetas në Vaun e Dejës
• Vodhën shuma parash në biznesin në Sauk, arrestohen tre persona në Elbasan