Konstitucionalistja Anastasi tregon procedurën e shkarkimit të presidentit

Pas nismës së ngritur nga Partia Socialistë për shkarkimin e presidentit Ilir Meta, konstitucionalistja Aurela Anastasi tregoi në Euronews Albania procedurën e shkarkimit të kreut të shtetit sipas ligjit shqiptar.

“Nga pikëpamja forma-juridike mund të them që gjithë procedua bazohet mbi bazën e kërkesës jo më pak se një të katërtës të anëtarëve të Kuvendit”, u shpreh zonja Anastasi.

Ajo tregoi më tej se për të shkarkuar presidentin duhet të kalohen dy faza procedurale.

“Ligjërisht ne kemi disa procedura të pacaktuara. Ato do t’i gjejmë kryesisht në Kushtetutë, e cila ka parashikuar shprehimisht një rast të tillë, rastin e përgjegjësisë së presidentit për shkelje të rëndë të Kushtetutës, ose kryerjen e një krimi të rëndë. Në duhet të kalojmë dy faza procedurale, në përfundim të të cilave deklarohet shkarkohet apo jo presidenti”, tha ajo më tej.

Sipas zonjës Anastasi këtë vendimin përfundimtar e merr Gjykata Kushtetuese.

“Faza e parë janë procedura parlamentare. Ato bazohen në kërkesën e që ju e përmendët. Ka një proces hetimor dhe shqyrtim nga Kuvendi nëpërmjet Komisionit Parlamentar të Çështjeve Ligjore. Kërkesa e parashtruar duhet të sigurojë mbështetjen e jo më pak se 94 deputetëve të Kuvendit. Brenda 5 ditëve vendimi i Kuvendit i parashtrohet Gjykatës Kushtetuese. Është ajo që vendos nëse shkarkohet presidenti apo jo”, u shpreh ajo.

Ajo gjithashtu sqaroi se pa u shprehur Gjykata Kushtetuese, Kuvendi nuk zgjedh dot presidentin e ri.

Lexoni gjithashtu:

“Shkarkimi i Metës” në Kuvend, sot seanca e parë pas zgjedhjeve, diskutohet nisma e PS-së