Kontrata e Ronaldos në rrezik pas akuzave ndaj Man Utd, priten masa ndëshkimore

Deklaratat bombë të Cristiano Ronaldos pak orë më parë në drejtim të skuadrës së Mançester Junajtid, nuk kanë kaluar pa vëmendjen e këtyre të fundit.

Drejtuesit e djajve të kuq menjëherë po hetojnë rastin në fjalë, ndërsa do të merren edhe masa ndaj yllit portugez. Sipas asaj çka raportojnë mediat britanike, futbollisti pritet që të dënohet me gjobë rreth 1 milion paund.

Reagimet kanë qenë të shumta, nga ish-futbollistë kryesorë të Mançester Junajtid, të cilat dënojnë veprimin e tij.

Sipas tyre arsyeja pse Ronaldo po e bën diçka të tillë është fakti se kërkon largimin e menjëhershëm nga të kuqtë, që duket se do të ndodhë në janar.

Por çfarë ndodhi konkretisht? Në një intervistë ekskluzive për ‘The Sun’, Ronaldo ngriti një sërë akuzash ndaj drejtuesve të Manchester United, e konkretisht dhe ndaj trajnerit Ten Hag.

Sipas 5 herë fituesit të Topit të Artë, ai ndihet i tradhtuar nga skuadra ku bën pjesë, pasi nuk është trajtuar në mënyrën e duhur. E gjithë kjo situatë pritet të zgjidhet me largimin e numrit 7, ndërkohë që skuadra si Napoli dhe Sportingu i Lisbonës qëndrojnë në pritje.

LEXONI GJITHASHTU:

• Ish-klubi i hap dyert Cristiano Ronaldos
• Benzema: Ronaldo nuk më ka uruar për fitimin e ‘Topit të Artë’