Korçë, edicioni i 10-të i simpoziumit të artit në gur

Në Korçë ka nisur simpoziumi i skulpturës në gur. 

Do të jenë 5 skulptorë shqiptarë e të huaj të cilët do të bëjnë punimet e tyre në Parkun Rinia, në edicionin e 10-të të këtij aktiviteti. Për organizatorin e këtij eventi, tematikat do të jenë të lira dhe abstrakte, e jo te porositura, ashtu siç shpesh ndodh me skulpturën.

“Skulpturat nuk janë përcaktuar për një qëllim specifik sepse në simpoziumin e skulpturës ne nuk porosisim vepra të veçanta, ne sjellim artistët për të eksperimentuar dhe për të lënë të lirë shpirtin artistik. Gjatë simpoziumit artistët janë të lirë të zgjedhin një vepër të inspiruar që mbase jenë inspiruar nga gjuha stilistike etj dhe kjo është bukuria, sepse mesazhi që donim të përcillnim në Shqipëri ishte se skulptura e parë nuk është e lirë, është e porositur dhe nuk i jep lirinë skulpturës të parkut,” – u shpreh Genti Tavanxhi.

Skulptori grek Odysseas Tosundidis tregon se për të është emocion të ndodhet në Korçë ndërkohë që do të lejojë veten të frymëzohet nga ky qytet, që më pas ta përjetësojë veprën në gur.

“Vij nga Greqia, është hera e parë në Korçë dua të falënderoj ata që me ftuan të jem pjesë e këtij aktiviteti. Unë ende në fakt nuk e kam zgjedhur se cila do të jetë vepra ime, por do e lë veten të lirë, e sigurte qe do te jete abstrakte,” – tha Tosundidis.

Parku Rinia është kthyer në një destinacion jo vetëm çlodhës por edhe turistik, për numrin e shumtë të skulpturave të instaluara në këtë zonë.

LEXONI GJITHASHTU:

• Inaugurohet skulptura e Nënë Terezës në Australi