Koreja e Jugut i bashkohet bisedimeve shumëkombëshe për sigurinë në Ngushticën e Hormuzit

Koreja e Jugut do të marrë pjesë sot në një takim të nivelit të lartë të ministrave të mbrojtjes nga disa vende, ku në fokus do të jetë siguria në Ngushticën e Hormuzit, raportoi agjencia koreano-jugore e lajmeve Yonhap.

Pjesëmarrja e Seulit vjen në një moment kur autoritetet koreano-jugore po shqyrtojnë reagimin e tyre strategjik pas sulmit të fundit ndaj një anijeje mallrash të operuar nga Koreja e Jugut në këtë rrugë ujore me rëndësi jetike për tregtinë globale dhe furnizimin me energji.

Konferenca virtuale do të bashkëdrejtohet nga Mbretëria e Bashkuar dhe Franca. Sipas Ministrisë së Mbrojtjes së Koresë së Jugut, vendi do të përfaqësohet nga gjeneralmajori Woo Kyung-suk.