Korrupsion dhe trukim ndeshjesh, GJKKO lë në burg prokurorin e Sarandës dhe 4 të tjerë

Gjykata Posaçme Kundër Korrupsionit dhe Krimit të Organizuar (GJKKO) u ka komunikuar masën e sigurisë “arrest me burg” prokurorit të Sarandës Sali Hasa dhe katër personave të tjerë, të akuzuar për korrupsion pasiv të gjyqtarëve e prokurorëve si dhe trukim ndeshjesh.

Ndërkohë, në masën “arrest shtëpie”, GJKKO ka lënë vetëm zyrtarin e Përmetit, Bujar Haredinaj.

Hetimet për implikimin e prokurorit të Sarandës u kryen nga SPAK, ndërsa u zbulua se Sali Hasa kundrejt parave ka pushuar çështjen për një shtetas i cili akuzohej për plagosje të lehtë me dashje, që gjithashtu është arrestuar.

Gjithashtu në bazë të provave, hetuesit shkuan dhe më tej ku zbuluan se mes të arrestuarve kishte  individë të cilët merreshin me trukimin e garave sportive.

Sali Hasa ra në pranga të shtunën, së bashku me katër persona të tjerë.

LEXONI GJITHASHTU:

Në pranga prokurori i Sarandës, akuzohet për korrupsion ndaj funksionarëve të drejtësisë