Kosova gjen qetësinë, nuk raportohet asnjë humbje jete nga Covid-19

Gjatë orëve të fundit nuk është raportuar asnjë viktimë nga Covid-19 në Kosovë. Lajmi bëhet i dituar nga Instituti Kombëtar i Shëndetësisë Publike të Kosovës, i cili thotë se janë kryer 567 teste të dyshuara, ndërkaq 57 qytetarë janë konfirmuar të prekur.

Aktualisht numri total i rasteve pozitive është 15.814 nga 70.219 teste të kryera gjithsej. Që nga fillimi i pandemisë dhe deri sot kanë humbur jetën 630 pacientë, shumica prej të cilëve me sëmundje të tjera shoqëruese.

Gjatë 24 orëve të fundit janë shëruar 69 pacientë duke e çuar numrin total të të shëruarve më 13.856, kurse numri i rasteve aktive është 1 328.

Rastet pozitive në Kosovë:

Prishtinë 16 raste, komuna Pejë 11 raste, komuna Gjilan 8 raste, komuna Deçan 3 raste, komuna Ferizaj 3 raste, komuna Fushë Kosovë 3 raste, komuna Gjakovë 3 raste, komuna Istog 2 raste, komuna Suharekë 2 raste dhe me nga një rast Drenas, Malishevë, Obiliq, Prizren dhe Viti.