Ministri i Shëndetësisë në Kosovë, Armend Zemaj, përmes një njoftimi në Facebook bëri me dije se Kosova ka siguruar tashmë 1,220,000 vaksina.

Në postimin në Facebook, Zemaj tregoi gjithashtu dhe numrin e të infektuarve për 24 orë që ka prekur shifrën e 253 personave, ndërkohë që theksoi se Kosova po e menaxhon në mënyrë të suksesshme situatën epidemiologjike në vend.

Fitues të betejës me COVID-19 kanë qenë 646 persona dhe 2 qytetarë kanë ndërruar jetë.

“Jam përpjekur maksimalisht që kuadrit profesional dhe shumë të përkushtuar, t’i shtohen 1.500 specializantë, punësimin e të gjithë mjekëve të papunë, si dhe shtimin e personelit shëndetësor për 608 punonjës,” – thuhej në postimin e Armend Zemajt.

Së fundmi ai ka apeluar se deri në momentin që vaksina do të mbërrijë dhe më tej, masat anti-COVID duhet të respektohen në mënyrë që institucionet shëndetësore të mos ngarkohen.

Lexoni gjithashtu: 

Dy viktima dhe 253 raste të reja me COVID-19 në Kosovë