Kosova nuk raporton asnjë humbje jete nga COVID-19

Prej ditësh në Kosovë nuk raportohet asnjë humbje jete nga virusi vdekjeprurës i COVID-19.

Të dhënat bëhen publike nga Ministria e Shëndetësisë, e cila thotë se janë zbuluar 12 raste të reja nga 2.668 teste të kryera.

Sipas autoriteteve shëndetësore në orët e fundit janë shëruaR 119 qytetarë, shifër kjo, e cila tregon se situata epidemiologjike ka hyrë në një fazë stabilizuese.

Paralelisht në të gjithë vendin vijon procesi i vaksinimit tek grupet e shoqërisë, që janë më të rrezikuara.

Deri tani në të gjitha qytetet e vendit janë injektuar 102.598 doza vaksinash në tentativë për të frenuar përhapjen e mëtejshme të virusit vdekjeprurës.