Kosova raporton se gjendja epidemiologjike e COVID-19 është e stabilizuar

Në Kosovë janë konfirmuar në 24 orët e fundit nëntë raste pozitive me COVID-19 dhe asnjë humbje jete.

Të dhënat janë bërë publike nga Ministria e Shëndetësisë, e cila pohon se rastet e reja janë zbuluar pas kryerjes së 1648 testeve të dyshuara.

Autoritetet në vend kanë konfirmuar po ashtu prezencën e variantit “Delta” të COVID-19, kurse mjekët thonë se nuk ka vend për shqetësim.

Në të gjithë Kosovën aktualisht numërohen 167 raste aktive me coronavirus.

Kosova ka nisur me vonesë fushatën e vaksinimit nga të gjitha vendet e tjera të Ballkanit Perëndimor dhe ky fakt është ngritur si shqetësim nga partitë opozitare, të cilat kanë akuzuar qeverinë Kurtin për neglizhencë.

Deri tani janë injektuar tek grupet shoqërore më të rrezikuara 179.029 doza të vaksinës së COVID-19.