Kosova raporton ulje të infektimeve dhe vdekjeve nga COVID-19

Prej ditësh Kosova raporton një ulje të ndjeshme të viktimave dhe infektimeve nga COVID-19.

Ministria e Shëndetësisë thotë se tetë persona kanë humbur jetën në 24 orët e fundit, ndërsa 88 të tjerë janë konfirmuar pozitivë.

Tregues pozitivë mbi epideminë është dhe numri i të shëruarve, i cili ka patur prirje rritëse gjatë javës së fundit.

Sipas IKSHPK-së, gjatë orëve të fundit janë shëruar 651 qytetarë, ndërsa numri i rasteve aktive ka ardhur në ulje dhe aktualisht janë 4,800.

Procesi i vaksinimit vijon me ritme jo shumë të larta, ku në 24 orë janë administruar 15,718 doza. Autoritetet shëndetësore ftojnë qytetarët të marrin vaksinën kundër epidemisë, si pasojë e të cilës deri tani kanë vdekur 2931 qytetarë, shumica e tyre me sëmundje shoqëruese.