Kremtohen pashkët në Korçë, pandemia ndryshon oraret për besimtarët që marrin zjarrin në Kishë

Mëngjesin e të dielës është kremtuar festa e pashkës edhe në qytetin e Korçës.

Ka qenë At Joan Pelushi ai i cili ka drejtuar këtë ceremoni, duke u lutur për gjithë besimtarët për paqe e qetësi.

Korçarët teksa merrnin zjarrin për ta çuar drejt shtëpive të tyre, një traditë kjo e cila simbolizon dritën e jetës, kanë uruar për Pashkë të mbara dhe që virusi COVID-19 të largohet këtë vit.

Gëzuar dhe mbarësi,” – uroi një qytetare.

“Shëndet e mbarësi për të gjithë! Të largohet kjo sëmundje që ka zaptuar tërë botën dhe Zoti të mbretërojë kudo! Shëndet e gjithë të mirat! Kjo Pashkë është vërtetë ndryshe, siç është dhe situata, ashtu është dhe Pashka e sivjetshme, megjithatë ne po e festojmë, Zoti është me ne” – u shpreh një zonja nga Korça.

Ndryshe nga herët e tjera kur mesha mbahej në 00:00, këtë herë u mbajt në orën 7 në mëngjes, për shkak të rregullave të pandemisë.

Hyrjen madhështore të Jezusit në tempull e komentoi dhe korrespondenti i Euronews Albania në Korçë, Xhensil Shkëmbi, i cili tregoi se festa në këtë qytet ka nisur një javë më parë.

“Ka filluar me të Premten e Zezë, një festë kishtare e cila simbolizon kryqëzimin e Jezusit,” – tha Shkëmbi teksa shtoi se ceremonia e ditës së djeshme në orën 00:00 nuk është mbajtur pikërisht për shkak të kufizimeve nga pandemia.

Për të ulur sa më shumë numrin e grumbullimeve do të mbahen tre ceremoni fetare këtë të diel, në orën 7, 10 dhe 12.

Përgjatë dy ditëve të fundit korrespondenti i Euronews Albania tregoi se në qarkun e Korçës ka pasur një rritje të turistëve.

LEXONI GJITHASHTU:

• Festa e Pashkës, Miron Çako: Shërbesa nuk do bëhet në mesnatë, por në mëngjes
• Festime duke zbatuar rregullat anti-COVID në Turqi, Greqi dhe Rusi
• Besimtarët ortodoksë kremtojnë festën e Pashkës