Kreu i OSHEE, Çela: Nuk ka rritje të çmimit të energjisë deri më 1 janar

Administratori i OSHEE, Adrian Çela deklaron se deri më 1 janar 2022 nuk do të ketë rritje të tarifës së energjisë elektrike.

Çela ishte në Kuvend në Komisionin e Jashtëm për të dhënë detaje edhe mbi përdorimin e kredisë 70 milionë euro që OSHEE do të marrë nga BERZH.

Përballë krizës energjetikë që ka prekur vendin, çmimi i energjisë nuk do të ndryshojë, deri në datën 1 janar.

“Ndahet në dy pjesë 55 milionë euro janë për mbulimin e importin e energjisë dhe impaktin financiar negativ të vitit 2020 dhe 15 milionë euro janë për ndërtimin e nën stacionit të qendrës së Tiranës”, u shpreh Çela.

Gjatë diskutimeve, nuk kanë munguar debatet mes anëtareve të PD dhe PS, të lidhura me krizën energjetike dhe borxhet e akumuluara në sektor.