Krimi i dyfishtë në Tiranë, dyshohet se shkak u bë xhelozia

Xhelozia dyshohet të jetë bërë shkak për ngjarjen e rëndë të regjistruar mbrëmjen e së shtunës në kryeqytet ku humbi jetën 31-vjeçarja nga Gana, Xhekouki Jaboa dhe 26-vjeçari Kliton Pira.

Fillimisht ishte ky i fundit që qëlloi me thikë të dashurën e tij, e cila duke i shkaktuar vdekjen, ndërsa vetë i riu nga Dibra ndërmori aktin e rëndë duke u vetëhedhur nga kati i 8 i banesës së marrë me qira ditore.

Për ngjarjen në pyetje janë marrë dhe familjarë të 26-vjeçarit si dhe fqinjët në banesën e marrë me qira, por deri në këtë fazë policia dhe prokuroria kanë ngritur pista vetëm në kuadër të dyshimeve.

Dy të rinjtë prej mujash ishin në një lidhje dashurie, e cila mësohet të jetë krijuar përmes njohjes në rrjetet sociale gjatë kohës që të dy qëndronin në Angli.

26-vjeçari Kliton Pira prej një muaji ishte rikthyer në Shqipëri ndërsa 31-vjeçarja ganeze mbërriti mëngjesin e të shtunës, ditë kjo që shënoi dhe fundin e jetës së saj.

Kjo ngjarje e rëndoi akoma më shumë bilancin e grave të vrara në Shqipëri gjatë vitit 2021, ku vetëm në 9 muaj janë shënuar 14 viktima.

LEXONI GJITHASHTU:

• 26-vjeçari shqiptar vret me thikë partneren nga Gana dhe më pas veten