Kritikoi luftën në Ukrainë, vdes shefi rus i energjisë pasi u rrëzua nga kati i 6-të

Kryetari i gjigantit rus të naftës Lukoil, Ravil Maganov, ka vdekur pasi  ra nga dritarja e një spitali në Moskë.

Mediat raportojnë se 67-vjeçari po trajtohej në Spitalin Qendror të qytetit dhe vdiq nga plagët e marra gjatë rënies.

Maganov është personaliteti i fundit  nga një sërë drejtuesish biznesi të profilit të lartë që kanë vdekur në rrethana misterioze.

Menjëherë pasi Rusia pushtoi Ukrainën, Lukoil kompania e dytë më e madhe ruse e naftës bëri thirrje që lufta të përfundojë.

Në fillim të marsit, bordi i Lukoil bëri thirrje që konflikti në Ukrainë të përfundojë sa më shpejt të jetë e mundur, duke shprehur  mbështetjen e tij për viktimat e  tragjedisë .

Ravil Maganov mori detyrën si kryetar i bordit të Lukoil dy vjet më parë.

Në maj, një ish-menaxher i lartë në Lukoil, Alexander Subbotin, raportohet  se vdiq po ashtu  në rrethana misterizoe.

LEXONI GJITHASHTU:

• Albanologu rus për Euronews Albania: Nuk kthehem në Rusi pa mbaruar lufta në Ukrainë