Kritiku i Kremlinit në spitalin e burgut, gjendja e Navalny “e kënaqshme”

Kritiku i Kremlinit, Alexei Navalny është dërguar në spitalin e burgut rus ku po u nënshtrohet kontrolleve mjekësore.

Ndërkohë zëdhënësi i presidentit Putin ka deklaruar se rasti i 44-vjeçarit nuk mund të përdoret nga Perëndimi për interesat e tij.

Lideri i opozitës ruse Alexei Navalny është transferuar në spitalin e burgut, ku sipas autoriteteve gjendja shëndetësore e tij është “e kënaqshme”.

Më herët gjatë ditës BE dhe Shtetet e Bashkuara paralajmëruan Rusinë se do të përballet me pasoja nëse kritikut të Kremlinit i ndodh diçka.

“Gjendja shëndetësore e të burgosurit dhe gjithë të dënuarve në territorin e Federatës Ruse s’mund dhe s’duhet të përdoret për interesat e vendeve të tjera”, reagoi zëdhënësi i presidentit Putin, Dmitry Peskov.

Navalny ka qenë në grevë urie prej 20 ditësh, në shenjë proteste ndaj mungesës së vëmendjes mjekësore, në burgun 180 km në lindje të Moskës.

Shërbimi i burgjeve ka deklaruar se ai po kontrollohet nga një doktor dhe se ka pranuar të marrë vitamina.

Gushtin e kaluar, 44-vjeçari u helmua me agjent nervor dhe mbijetoi pasi u mjekua në Gjermani.

Lexoni gjithashtu:

Franca, Gjermania dhe SHBA paralajmërojnë Moskën se është përgjegjëse për shëndetin e Navalny

Alexei Navalny përshkruan të ushqyerit me forcë në burg, kërkon mjekun e tij

Përkeqësohet shëndeti i Alexei Navalny, avokatët tregojnë gjendjen e tij në burg