Kriza e çmimeve, tek ne u shtrenjtua nafta e ushqimet, në Europë energjia 

Shqipëria dhe Europa kanë parë rritjen më të lartë të çmimeve në muajin maj. Në vendin tonë inflacioni arriti në 6.7 % ndërsa në Bashkimin Europian, 8.1%.

Të dhënat tregojnë se transporti dhe ushqimet vunë në vështirësi familjet shqiptare, pasi rritja më e madhe e çmimeve është parë tek karburantet, vaji, buka, bulmeti, sheqeri dhe fruta-perimet.

Nga ana tjetër, peshën më të madhe e ka dhënë Energjia me rritje 40%, mandej ushqimet dhe duhani me 7.5 %, dhe së bashku me grupet e tjera, niveli i inflacionit arriti 8.1%.

Por, edhe pse shkalla e shtrenjtimit në BE është më e lartë, kriza është ndjerë më shumë këtu, pasi familjet shqiptare harxhojnë rreth 40% të të ardhurave për ushqime, ndërsa ato europiane 15% të rrogave.

Kujtojmë se ushqimet në Shqipëri janë produkte, për të cilat familjet shpenzojnë rreth 40% të të ardhurave mujorë. Ndërkohë, familjet në BE shpenzojnë vetëm 15% të rrogave për shportën.

Qeveria ka dhënë një paketë të përkohshme ndihme për të ndihmuar kryesisht familjet me të ardhura të ulëta, dhe për këtë deklaron se ka mundur të mbajë inflacionin nën kontroll, aq sa të mos destabilizohet tregu.

LEXONI GJITHASHTU:

• Parashikime pesimiste për ekonominë, OECD: Inflacioni më i larti nga viti 1988
• ​Çmimet e karburanteve në Kosovë arrijnë rreth 1,90 euro